Полската гранична полиција уапси дезертер од руската армија кој илегално преминал во Полска од Белорусија, близок сојузник на Москва, соопштија денеска граничарите.

„Уапсивме дезертер од Русија, тој ги имаше со себе воените документи“, изјави за АФП портпаролката на граничната полиција Катарзин Жданович.

„Станува збор за 41-годишен маж кој илегално ја преминал границата од Белорусија во Полска, на североистокот на Полска“, додаде тој без да даде детали.

Според полските медиуми, мажот бил невооружен и облечен во цивилна облека.

Портпаролката не можеше да коментира дали ова е прв случај од ваков вид по руската инвазија на Украина во 2022 година.

Белорусија и Русија се членки на воената алијанса која обединува неколку земји од поранешниот Советски Сојуз.

Москва и Минск се многу блиски одбранбени партнери, а белорускиот претседател Александар Лукашенко ги овласти руските сили да ја нападнат Украина од тлото на неговата земја во февруари 2022 година, додека таму се стационирани десетици илјади руски војници.

Полските граничари неодамна објавија дека секој ден се случуваат околу 100 нелегални обиди на луѓе да ја преминат границата на Белорусија во Полска – главно државјани од земјите на Блискиот Исток, Африка и Азија.