Полицајката Андреа Грифитс (44) даде отказ откако е откриена нејзината афера со жртва на сексуална злоупотреба, која ѝ била доверена на старателство во 2015 година, пренесуваат британските медиуми.

Андреа дала отказ од своето работно место како полицајка пред сослушувањето за недолично однесување во Северен Велс и, на тој начин, ги престигнала надредените кои секако планирале да ја отпуштат од работа.

– Андреа Грифитс беше офицер за врска. Таа развила непримерен, личен однос со маж кој беше жртва на сексуално злосторство – наведено е од полицијата.

Андреа Грифитс призна дека сексуалната активност се случила додека била на должност. Меѓутоа, според нејзините тврдења, таа и жртвата спиеле само еднаш, но и отфрла дека биле во врска.

– Признавам дека имав односи со жртвата на 29 јуни 2015 година. Го прифаќам длабокото кршење на законот и длаболо жалам поради тоа што се случи. За да избегнам посрамување на својата професија, дадов отказ од полицијата во Северен Велс – рече Андреа Грифитс на сослушувањето.

Надлежните рекоа дека полицајката ги прекршила стандардите на чесност и интегритет, поради што, ѝ да не одлучела да даде отказ, секако би била отпуштена од полицијата.