Полицијата соопшти дека викендов извршила рација во угостителски објект во Тетово, каде биле затекнати 25 малолетници кои пиеле алкохол.

„На 15/16.11.2025 во периодот од 22:00 до 2:00 часот, полициски службеници од СВР Тетово во содејство со Управа за јавни приходи, Трудова инспекција и Државна пазарна инспекција извршија акциска контрола во врска со точење на алкохол на малолетни лица. Притоа, во угостителски објект на улица „Борис Кидрич” во Тетово биле затекнати 25 малолетни лица над кои било извршено алкотестирање со дрегер и констатирано е дека сите 25 малолетници конзумирале алкохол, соопшти полицијата. Малолетниците се предадени на родителите, а по целосно документирање на случајот ќе бидат поднесени соодветни пријави против правното лице и против одговорното лице“, пишува во полицискиот билтен.