Кривична пријава доби полицаец од Скопје, кој работејќи во полициската станица во Аеродром, истовремено предводел банда крадци на бакарни кабли кои „оперирале“ во поранешна фабрика, соопшти МВР.

„Пријавениот, во повеќе наврати во периодот од 05.01.2025 до 07.05.2025 во претходен меѓусебен договор и со заедничко дејствување со три лица од Скопје, противправно одзеле туѓи подвижни предмети бакарни кабли – јавни инсталации кои содржат бакар од објекти на Акционерско друштво од Скопје, сместени во кругот на поранешна фабрика од Скопје“, велат од полицијата.

Покрај кривично, полицаецот и дисциплински ќе одговара, најавуваат од Одделот за внатрешна контрола, додавајќи дека тој е суспендиран.