Пола од ѕвездите на ПСЖ ова лето испратени на позајмица
Неверојатен летен преоден рок има францускиот шампион чија управа само знае какви потези има намера да направи на фудбалскиот пазар.
Париските „светци“ со сите сили се обидуваат да направат екипа која ќе биде сериозен кандидат не само за трофеите во Франција, туку и за освојување на титулата во Лигата на шампионите.
Доста од големиот број на ѕвезди од редовите на ПСЖ се испратени на позајмица ова лето. Францускиот репрезентативец Лејвин Курзава до крајот на сезоната ќе игра за премиерлигашот Фулам.
Репрезентативецот на Сенегал Абду Диало се пресели во бундеслигашот Лајпциг, потоа до 30 јуни 2023 година Андер Ерера ќе игра за Атлетик Билбао.
Аргентинецот Леандро Паредес една година ќе го носи дресот на Јувентус, Џорџино Вајналдум до крајот на сезоната ќе биде во Рома, а на последниот ден од летниот преоден рок францускиот клуб објави дека до 30 јуни 2023 година Јулијан Дракслер ќе биде на позајмица во Бенфика.
✍️ Bem-vindo, Draxler!
🇩🇪 🦅 Welcome!#EuAmoOBenfica || #Draxler pic.twitter.com/Y2ag4QBRCb
— SL Benfica (@SLBenfica) September 1, 2022
Секако и натаму ПСЖ е полн со звучни имиња како Навас, Хакими, Рамос, Верати, Мбапе, Нејмар, Меси, Икарди, Ренато Санчес, а потсетување дека во изминатиот период за парискиот клуб потпиша Фабиан Руиз кој дојде од Наполи.