Фабијан Руиз кој до сега во Наполи му беше соиграч на македонскиот репрезентативец Елиф Елмас, од новата сезона ќе ги брани боите на францускиот шампион.

Руиз (26) потпиша договор со ПСЖ до лето 2027 година, а како надомест париските „светци“ платија 23 милиони евра.

Шпанскиот играч од средниот ред пристигна на стадионот „Диего Армандо Марадона“ од Бетис за 30 милиони евра и набрзо стана еден од најдобрите играчи на Наполи.

Тој во дресот на „наполитанците“ одигра вкупно 166 натпревари и постигна 22 гола, со 15 асистенции.

ПСЖ на тој начин донесе трет централен играч за врска по Витиња и Ренато Санчез, а потсетуваме дека на пат е и Карлос Солер. Четири нови трансфери во средниот ред можат да доведат до логичен заклучок дека уште некој најверојатно ќе мора да си замине заедно со Леандро Паредес.

Le Paris Saint-Germain est heureux d’annoncer la signature de Fabián Ruiz pour les cinq prochaines saisons. ✍️

Le milieu de terrain international espagnol est lié au club parisien jusqu’au 30 juin 2027. ??#WelcomeFabián

— Paris Saint-Germain (@PSG_inside) August 30, 2022