Легендата на Манчестер јунајтед, Пол Сколс, предвидива дека Манчестер сити ќе го престигне Арсенал во трката за титулата во Премиер лигата оваа сезона.

Поранешниот играч од средниот ред изрази сериозни сомнежи дали тимот на Микел Артета може да го победи тимот на Пеп Гвардиола во големото дерби овој викенд.

Фудбалерите на Арсенал претрпеа неочекуван пораз од 2:1 на стадионот „Емирати“ во Лондон минатиот викенд, оставајќи ги само шест бода пред второпласираниот Сити, кој има натпревар помалку. Двата тима се среќаваат на „Етихад“ во недела во судир кој може да се покаже како одлучувачки за трофејот.

Арсенал, кој исто така загуби од „Граѓаните“ во финалето на Лига купот минатиот месец, е во лоша форма, а Сколс не го гледа Арсенал како ја освојува титулата.

– Арсенал веќе го изгуби моментумот. Сè оди кон Манчестер Сити. За да ја освоите титулата, мора да ги победите вашите ривали, но никогаш не сум го видел Арсенал да победува на големи натпревари – се зборовите на Сколс во британскиот фудбалски поткаст „Добриот, лошиот и фудбалот“.

На табелата во Премиер лигата, водечки е Арсенал со 70 бодови од 32 одиграни натпревари, а второпласиран е Манчестер сити со 64 бодови од 31 меч.

Распоред на натпреварите на Арсенал и Манчестер сити до крајот на сезоната во Премиер лигата:

–Арсенал–

Манчестер сити – Арсенал
Арсенал – Њукасл
Арсенал – Фулам
Вест хем – Арсенал
Арсенал – Барнли
Кристал палас – Арсенал

–Манчестер сити–

Манчестер сити – Арсенал
Барнли – Манчестер сити
Евертон – Манчестер сити
Манчестер сити – Брентфорд
Борнмут – Манчестер сити
Манчестер сити – Кристал палас
Манчестер сити – Астон Вила