Почина основачот и гитарист на познат британски рок-бенд: Неговиот татко упати силна порака
Британската музичка ѕвезда Мет Квасњевски-Келвин, основач и гитарист на рок бендот „Black Midi“, почина на 26-годишна возраст. Мет ја загуби битката со болеста, откако долг период имаше проблеми со менталното здравје.
Препорачано
Тажната вест ја потврди неговиот татко Тони преку емотивна изјава објавена на инстаграм-профилот на нивната издавачка куќа „Rough Trade Records“.
„Со длабока тага, како семејство ве известуваме дека Мет Квасњевски-Келвин почина по долга борба со менталното здравје. Тој беше исклучително талентиран музичар, но пред сè добар, нежен и сакан човек. И покрај сите напори, не успеа да се избори. Мет имаше 26 години. Тој засекогаш ќе биде сакан. Ве молам, одвојте момент да им се јавите на вашите најблиски, за да спречиме вакви трагедии да им се случуваат на нашите млади луѓе“, се наведува во соопштението.
Black Midi co-founder Matt Kwasniewski-Kelvin dead at 26 after ‘long battle with his mental health’ https://t.co/M9PuryV7zS pic.twitter.com/aVD7FCO9sK
— New York Post (@nypost) January 12, 2026
Со соопштение се огласи и издавачката куќа „Rough Trade Records“, која изрази најдлабоко сочувство до семејството Квасњевски-Келвин.
„„Rough Trade Records“ изразува најискрено сочувство до семејството Квасњевски-Келвин поради трагичната смрт на основачот и гитарист на ’Black Midi‘, нашиот Мет, неверојатно талентирана личност која неизмерно ќе ни недостига“, соопштија од издавачката куќа.
Од таму дополнително ги охрабрија сите кои се соочуваат со проблеми со менталното здравје да им се обратат на своите најблиски или на организации кои нудат помош и поддршка, нагласувајќи дека разговорот е можен во секое време.
View this post on Instagram
Мет учествуваше на дебитантскиот албум на „Black Midi“ од 2019 година, „Schlagenheim“, кој истата година беше во потесен избор за престижната награда Меркјури.
Во 2021 година, тој објави дека го напушта бендот поради проблеми со менталното здравје.
„Направив пауза и се повлеков од бендот бидејќи ментално не сум добро“, напиша тогаш на Фејсбук страницата на бендот во јануари 2021 година.
Во тој период, бендот објави дека целосно го поддржува својот пријател во процесот на закрепнување и изрази надеж дека повторно ќе свират заедно.
Бендот „Black Midi“ е основан во Лондон во 2017 година и има објавено три албуми: „Schlagenheim“ (2019), „Cavalcade“ (2021) и „Hellfire“ (2022).
Black Midi Guitarist Dies at Just 26: What Happened? pic.twitter.com/LLeUt9ecCq
— 🇿🇦Mahlatse_ZA (@spoon369) January 13, 2026
