Петковиќ во последните неколку дена беше во болница во Белград и беше на респиратор. На легендарниот тренер му пукнал чирот на дванаесетпалачното црево додека бил сам во својот дом поради што изгубил голема количина на крв, а во болница е утврдено дека тој е позитивен и на коронавирус.

Илија Петковиќ ќе остане запомнет како еден од надобрите фудбалери во историјата во регионот, кој во тренерската кариера беше селектор и Југославија, а потоа и на Србија и Црна Гора.

Петковиќ е роден на 22. септември 1945 година во Книн, а најголемиот дел од играчката кариера ја помина во ОК Београд.
Тренерската кариера ја започна токму во ОФК Београд, а последен ангажман му беше како селектор на младата репрезентација на Србија.