Данскиот карикатурист Курт Вестергард, чијашто карикатура на пророкот Мухамед во 2005 година предизвика бес кај муслиманите ширум светот, почина на 86-годишна возраст, соопшти неговото семејство.

Вестегард, кој работеше за конзервативниот весник Јиландс-постен од почетокот на 1980-тите, почина по долго боледување, пренесува Би-би-си.

Тој стана познат ширум светот кога во весникот беа објавени 12 карикатури по наслов „Лицето на Мухамед“.

Ова предизвика гнев кај муслиманите затоа што според нивната вера лицето на пророкот не смее да се прикажува со слика.

Гневот ескалираше во 2006 година со анти-дански демонстрации ширум светот во кои имаше и загинати, пишува Гардијан. Амбасадата во Дамаск беше запалена, а беа нападнати повеќе дански амбасади ширум светот.

Насилството поврзано со карикатури на пророкот Мухамед кулминираше во 2015 година, кога 12 луѓе беа убиени во просториите на парискиот хумористичен магазин „Шарли Ебдо“ во Париз. Имено, магазинот ги преобјави спорните карикатури.

По објавувањето на карикатурите, Вестергард добиваше закани со смрт и беше мета на неколку атентати, пренесува Блиц. Но, на крајот одлучи да живее во куќа со заштита со данскиот град Архус.