Контроверзната телевизиска серија „The Idol“, во режија на американскиот режисер Сем Левинсон, нема да добие втора сезона.

Една од најпровокативните авторски програми на „Ејџ-би-о“ наиде на жестоки критики кај публиката и стручната јавност уште од своето премиерно прикажување.

„По многу размислување, ‘Ејџ-би-о’, како и креаторите и продуцентите (на ‘The Idol’), одлучија да не продолжат со втора сезона. Благодарни сме на авторите, актерите и  целата екипа за нивната неверојатна работа“, изјави претставник нa „Ејџ-би-о“ за „Варајети“.

Првата сезона имаше само пет епизоди, во кои главните улоги ги одиграа Лили Роуз Деп и Ејбел Тесфаје, познат по неговото уметничко име Д Викенд.

Приказната ја следи младата поп-ѕвезда Џоселин (Лили Роуз Деп) и нејзиното враќање на музичката сцена по доживеаниот нервен слом. Среде обидот да ја обнови својата кариера, таа започнува сложена романтична врска со Тедрос (Д Викенд) – гуру за самопомош и водач на современ култ.

Режисерот Левинсон постигна голем успех со својата серија „Euphoria“, која минатата година освои дури 16 Еми награди. Меѓутоа, на порталот „Rotten Tomatoes“, кој го анализира рејтингот на критичарите, „The Idol“ доби само 19 отсто позитивни оценки.

Гледачите воочија детали: Селена Гомез е инспирација за контроверзната „The Idol“?