Годината зад Николас Саркози беше сè, само не обична. Поранешниот француски претседател помина околу дваесет дена во затвор, искуство што за многу бракови би било сериозен тест. Но Карла Бруни реши неговиот 71. роденден да го искористи како можност јавно да покаже дека нивната љубов останува цврста и покрај сите предизвици.

 

View this post on Instagram

 

A post shared by Carla Bruni (@carlabruniofficial)

Брачната двојка помина низ турбулентен период кој лесно можеше да ја доведе врската во криза, но, судејќи според нивните јавни настапи, излезе уште посилна. По дванаесет месеци исполнети со притисоци и медиумско внимание, роденденот на саканата личност стана симболичен момент за потврда на блискоста.

Во средата, на 28 јануари, Карла Бруни преку Инстаграм му го честиташе роденденот на својот сопруг, објавувајќи фотографија од него со кратка, но емотивна порака:

„Среќен роденден, љубов моја. Времето е на твоја страна…“

Да потсетиме, Саркози неодамна одлежа околу 20 дена во затвор, под бројот 320535. Своето искуство го опиша во книга од 216 страници, во која тврди дека тензијата зад решетките не била толку изразена, дури и ја спореди затворската ќелија со „евтин хотел“. Оваа изјава, секако, предизвика скепса во јавноста, со оглед на неговиот поранешен статус и привилегии.