– Можеби јас сум виновен. Ова е само почеток…Нема изговори – напиша Богдановиќ на Твитер.

Тие се фактички се воведните зборови од една реклама на легендарниот кошаркар Мајкл Џордан, во која вели:

„Можеби ве натерав да помислите дека е лесно, кога не било. Можеби ве натерав да помислите дека моите најдобри потези започнале од линијата за слободни фрлања, а не во теретана. Можеби ве натерав да помислите дека секој шут кој сум го имал бил за победа, дека мојата игра се базира на силата, а не на страста. Можеби сум виновен што не видовте дека неуспесите ми даваа сила, дека болката е мојата мотивација. Можеби ве натерав да помислите дека кошарката е Божји дар, а не нешто на кое сум работел. Секој ден од мојот живот. Можеби и ја уништив оваа игра. А можеби…Можеби барате само оправдувања“.

“Maybe it’s my fault….”
this is just the beginning…no excuses…
❤️??? pic.twitter.com/JaVpKLnxlg

— Bogdan Bogdanovic (@LeaderOfHorde) September 16, 2019

Најдобриот српски кошаркар го заврши Светското првенство во Кина како најдобар поентер, а беше и избран во идеалниот тим на планетарниот собир.

Србија на Мундобаскет 2019 го освои „само“ петтото место, иако се очекуваше да се бори за златниот медал, и според ФИБА ранкинзите беше најавувана како најголем фаворит за тронот.