Пливачкиот клуб „Скопје“ со четири медали на меѓународниот натпревар „Свети Никола“ во Ниш
Помала екипа од седум пливачи од Пливачкиот клуб „Скопје“ учествуваше на меѓународниот натпревар „Свети Никола“ во Ниш, Србија.
Првото место во дисциплината 200 метри мешано го освои Анастасија Киранџиќ. Потоа, Софија Наумовска се закити со два медали, второ место на 50 метри слободно, и трето место на 100 метри слободно. Емил Суботиќ беше третопласиран во дисциплината 50 метри грбно.
Воедно Пливачкиот клуб „Скопје“ информираше дека беше дел од „Атлас Винтер Куп 2023“ на чиј натпревар настапи со 33 пливачи.
Клубот успеа да освои 33 медали, од кои 18 златни, девет сребрени и шест бронзени.
За најдобар пливач во категоријата 8 години и помлади прогласен е Дамјан Иванов, а најдобар пливач во категоријата 13/14 години прогласен е Давид Неделковски.
