Платформата за плаќање Револут, која е доста популарна и се користи во Бугарија, објави дека ќе престане да нуди услуги во левови од 17 декември 2025 година. „Вашата сметка во левови ќе биде затворена и секое преостанато салдо во таа валута што го имате ќе биде конвертирано во евра на овој датум. Доколку веќе немате џебна сметка во евра, таа ќе биде креирана автоматски.

Нема да можете да испраќате банкарски трансфери во левови од 27 ноември 2025 година или да примате банкарски трансфери во левови од 10 декември 2025 година. Ова е неопходно прилагодување поради транзицијата на земјата кон еврото и системските ажурирања што ги бараат нашите партнери за плаќање“, објави компанијата, информира Сега.бг.њус.

Револут уверува дека сите други услуги, картички и плаќања ќе продолжат да функционираат без промена. Во моментов не е прецизирано дали конверзијата на валута во евра ќе се врши по фиксниот девизен курс на Бугарската народна банка.