Пјер-Емерик Обамејанг подготвен да се врати во Барса
Фудбалерот на Челси, Пјер-Емерик Обамејанг изрази желба да се врати во редовите на Барселона, пренесуваат шпанските медиуми.
Обамејанг (33) наводно им рекол на челниците на каталонскиот клуб дека е подготвен да игра и за помала плата на „Камп Ноу“.
Претседателот на Челси, Тод Боли е разочаран од однесувањето на Обамејанг, кој е посветен на каталонскиот клуб.
Со фудбалерите на Барселона славеше по неодамнешната победа во Ел Класико над Реал Мадрид (2:1) во шпанската „Ла Лига“.
Обамејанг минатата година пристигна во Челси од Барсa, а пред каталонскиот клуб играше за Арсенал, Борусија Дортмунд, Сент Етјен, Монако, Лил, Дижон и Милан. Сезонава одигра 18 натпревари и постигна три гола.