Претседателот на САД Доналд Трамп повторно беше фатен како ги одмора своите поспани очи, овој пат додека членовите на кабинетот му објаснуваа за важноста на полномасното млеко, објави „DailyBeast“.

Но, 79-годишниот претседател се осврна и на придобивките од пиењето млеко, тврдејќи дека токму тоа му помогнало „совршено да ги положи“ трите когнитивни тестови, кои во суштина претставуваат скрининг-алатки за деменција.

„Имам направено многу од нив“, рече Трамп во Овалната соба. „Секој еден го положив совршено затоа што пијам млеко.“

Додека продолжува внимателното следење на неговата здравствена состојба, претседателот во средата потпиша двопартиски закон со кој им се дозволува на американските училишта да им нудат на учениците полномасно млеко и млеко со 2 проценти масленост.

Со овој потег се укинуваат ограничувањата од времето на администрацијата на Обама, со кои изборот за учениците беше сведен на безмасно или нискомасно млеко.

„Тоа всушност е правна дефиниција – ‘полномасно млеко’. И е ‘whole’ со W за оние од вас што имаат проблем со тоа“, необично објасни Трамп.

Но, додека секретарот за здравство и социјални услуги Роберт Ф. Кенеди Џуниор и секретарката за земјоделство Брук Ролинс зборуваа за важноста на млечните производи и го пофалуваа Трамп за новите закони, претседателот беше забележан како ги „одмора“ очите неколку секунди, речиси како да ќе задреме.

Доналд Трамп не ги слуша советите на лекарите: Сакам убава, разредена крв