Петгодишно момче од Унгарија починало откако околу вратот му се завиткало јажето на неговото куче
Петгодишно момче починало во унгарскиот град Варпалота, откако јажето на неговото куче му се завиткало околу вратот, пренесува 24.hu.
Окружниот полициски оддел Веспрем објави дека добиле итен повик вчера во 15 часот и 30 минути дека на едно момче му е потребна медицинска помош во еден од становите во Варпалота. Лекарите од итната помош долго време се бореле за животот на момчето, но не успеале да го спасат.
„Делта њуз“ пишува дека петгодишното дете си играло со своите браќа и сестри во собата кога јажето на кучето му се завиткало околу вратот. Браќата на момчето и рекле на дадилката дека не е добро, а таа веднаш се јавила на брза помош.
Но, за момчето немало спас. Причина за смртта е гушење поради јажето околу вратот. Полицијата во Веспрем ги истражува околностите на смртта на момчето како дел од кривичната постапка поради сомнение за несовесно загрозување