Педри со трофејот за најдобар млад фудбалер во 2021 година
Фудбалерот на Барселона, Педри вечерва на свечена церемонија во Париз беше избран за најдобар млад играч во 2021 година.
Педри го освои трофејот „Копа“, кој му беше доделен во француската престолнина, каде вечерва воедно ќе се дознае освојувачот на „Златната топка“.
Во конкуренцијата за ова признание беа уште Џуд Белингем, Џамал Мусијала, Нуно Мендеш, Мејсон Гринвуд, Букајо Сака, Флоријан Вриц, Рајан Гравенберх, Џереми Доку и Џовани Реина.
Исто така Педри минатата седмица победи и во изборот на „Тутоспорт“ за наградата „Златно момче“ („Golden Boy“).
Педри кој има 19 години ја игра втората сезона во дресот на Барса, а пред да се пресели на „Камп Ноу“ ги бранеше боите на Лас Палмас.
Pedri is your 2021 #kopatrophee! #ballondor pic.twitter.com/B2zYICnOFG
— Ballon d'Or #ballondor (@francefootball) November 29, 2021
Левандовски ја освои наградата за најдобар напаѓач на светот