Патувате со авион? ЕУ воведе правила што ќе ви заштедат пари и нерви
Европскиот парламент даде зелено светло за најголемата реформа на правата на авионските патници во последните две децении. Новите правила, кои беа усвоени со убедливо мнозинство од 646 гласа, предвидуваат поголема заштита на патниците, бесплатни соседни седишта за родители и деца, како и целосна транспарентност на цените при купување авионски билети – пишува
Препорачано
Една од најважните новини е што авиокомпаниите повеќе нема да смеат да наплаќаат дополнително ако родител или придружник сака да седи веднаш до дете помладо од 14 години. Со ова се става крај на практиката семејствата да бидат разделувани освен ако не платат за избор на седишта.
Реформата носи и поголема транспарентност при купувањето билети. Авиопревозниците и платформите за резервации ќе мора однапред јасно да ја прикажат конечната цена на билетот, со прецизно наведување што е вклучено, а што се наплаќа дополнително. Така патниците повеќе нема да бидат изненадени од скриени трошоци во последниот чекор од резервацијата.
Правилата за обесштетување при доцнење на летовите остануваат непроменети. Патниците ќе имаат право на надомест ако летот доцни три или повеќе часа по вина на авиокомпанијата. Надоместокот ќе изнесува 250 евра за летови до 1.500 километри, 400 евра за летови до 3.500 километри и 600 евра за подолги летови. Истите правила ќе важат и за летови што се откажани помалку од две недели пред полетувањето.
Дополнително, авиокомпаниите ќе бидат обврзани во рок од четири дена по пристигнувањето да ги информираат патниците за нивните права и начинот на поднесување барање за компензација. По добивањето на барањето, превозникот ќе има најмногу 30 дена да ја исплати сумата или писмено да го образложи евентуалното одбивање.
Новите правила ќе стапат во сила по конечната потврда од Советот на Европската Унија, а авиокомпаниите ќе имаат една година да ги усогласат своите политики со новата регулатива.
Нулта толеранција за несоодветно однесување на патниците во авионот
