Кошаркарите на Партизан ќе играат во Минхен, Германија, како домаќини против Макаби Тел Авив, во натпревар од 24 коло од Евролигата, објави денеска српскиот клуб.

По гостувањето против Баерн на 20 јануари, белградските „црно-бели“ ќе останат во Минхен и ќе се подготвуваат за дуелот против израелската екипа на 23 јануари во БМВ Парк.

Поради Европското првенство во ватерполо и чии натпревари се играат овој период во Белградската Арена, Партизан беше принуден да бара сала во која ќе го пречека Макаби, а синоќа играа како домаќини против грчкиот Олимпијакос во белградската сала „Александар Николиќ“.

Партизан моментно е на последната 20 позиција на евролигашката табела со учинок 6-16.

Макаби Тел Авив е на 14 место со биланс од осум победи и 13 порази.