Аргентина стана светски првак по подоброто изведување на пенали од Франција. Веднаш штом заврши натпреварот се огласи Месут Озил, поранешен германски репрезентативец и светски шампион во 2014 година во Бразил.

Играчот од средниот ред на турскиот Башакшехир, кој им честиташе на Аргентинците за освоената титула, го прокоментира отсуството на Карим Бензема во францускиот состав со порака: „Го нема Бензема, нема забава“.

Зборови на Озил упатени кон селекторот на „триколорите“, Дидие Дешан и на новите светски вицешампиони. Бензема не настапи на Светското првенство бидејќи пред почетокот се здоби со полесна повреда.

Во меѓувреме се опорави, но Дешан не сакаше повторно да го повика. Тоа предизвика и револт кај Бензема, кој нема да соработува со репрезентацијата на Франција доколку Дешан остане селектор.

Со француската селекција Бензема од 2007 година запиша до сега 37 голови во 97 настапи.

No Benzy, No Party 🤷🏻‍♂️🇫🇷🏆

— Mesut Özil (@M10) December 18, 2022

Херојот на Аргентина низ солзи: Го остваривме сонот на сите Аргентинци!