По секој циклус, оставете ја вратата на машината за перење малку отворена за да овозможите циркулација на воздухот низ барабанот и да го намалите задржувањето на влагата.

Мувлата во машината за перење алишта настанува затоа што внатрешноста на апаратот останува влажна долго време, а таквите услови се поволни за раст на мувла. Ако проблемот се игнорира, наслагите можат да го затнат одводот и на крајот да доведат до неправилно функционирање на апаратот.

Експертите од „Санта круз аплајанс рипер“ навеле дека наједноставниот начин да се спречи растот на мувла е да се проветри барабанот по перењето на алиштата.

„Еден од наједноставните начини да се спречи растот на мувла е да се остави вратата на машината малку отворена по секој циклус на перење. Ова овозможува циркулација на воздухот во барабанот и помага да се исуши преостанатата влага“, навеле тие.

Баранот, како и гумениот обрач околу вратата, се особено чувствителни, бидејќи овие места често содржат вода, нечистотија и мувла. Затоа, се препорачува, покрај вратата, повремено да се остава отворена и фиоката за детергент за да се овозможи побрзо испари влагата.

За дополнително одржување, доволно е да ја избришете вратата и гумената обвивка со крпа еднаш неделно. Белиот оцет се издвојува како често користено средство за чистење бидејќи, како што е наведено, поради неговата киселост, помага во отстранувањето на мувлата без поагресивни препарати.

Корисен чекор е да вклучувате празен циклус еднаш месечно на 60 или 90 степени, со неколку лажици бел оцет во фиоката за детергент. Овие навики не траат повеќе од десет минути месечно, а можат да спречат непријатни мириси и акумулација на мувла во машината.