Редакцијата на „Слободен печат“ дојде до предложената листа на СДСМ, за сите носители на листи и кандидати за претстојните парламентарни избори, за која ќе се гласа на денешниот 24.Конгрес кој се одржува во моментов во хотелот „Александар Палас“.

Во единицата листата ќе ја предводат Никола Димитров и Мила Царовски. Во двојката на чело ќе бидат Оливер Спасовски и Сања Лукаревска.

Листата во изборната единица 3 ќе ја предводат Љупчо Николовски и Јагода Шехпанска, а во изборната единица 4 Зоран Заев и кандидат од коалицијата.

На чело на петката ќе бидат Радмила Шекеринска и Јован Митревски, додека во шестката тоа ќе биде Билал Касами од колициониот партнер Беса, како и Фаница Николовска.