Со оглед на тоа што многу луѓе се жалат на високите цени во Европа, магазинот „Тајм аут“ одлучи да создаде листа на градови што вреди да се посетат во 2025 година ако имате ограничен буџет.

„Многу од нашите евтини градови веќе не се толку евтини. Популарните дестинации во Грција, Шпанија, Италија и на други места страдаат од масовниот туризам, а цените почнуваат да изгледаат слично насекаде. Но, не плашете се, ако вашиот буџет е ограничен оваа година, сè уште има места што можете да ги посетите без да банкротирате“, напишаа тие во воведот на статијата.

„Најдобриот дел? Тоа се места со помалку туристи и помалку гужви, а летовите таму веројатно ќе бидат многу поевтини. Секако, се подразбира дека етикетата „евтин град“ е многу субјективна и зависи од голем број фактори: од кој град патувате, во кое време од годината доаѓате, што ви се допаѓа и сè друго. На нашата листа на евтини дестинации во Европа, имаме сè, од успешни главни градови до потценети градови“, додаваат тие.

Десетте најевтини градови за посета во 2025 година според „Тајм аут“:

– Тирана, Албанија
– Софија, Бугарија
– Загреб, Хрватска
– Каунас, Литванија
– Рига, Латвија
– Сараево, Босна и Херцеговина
– Краков, Полска
– Букурешт, Романија
– Кингстон, Обединето Кралство
– Чешки Крумлов, Чешка Република

„Тајм аут“ пишува дека албанскиот брег бележи мал раст на туризмот во последните години како алтернатива на поскапите дестинации како Грција. Тирана е богата со историја од комунистичката ера, интересни музеи, шарени мурали и одлични ресторани и барови, пишува „Тајм аут“.

„Да не бев веќе на патување во Хрватска, Загреб речиси сигурно немаше да биде на мојот радар. И покрај тоа што е главен град на Хрватска, градот е доста потценет, скриен во сенката на популарни дестинации како Сплит и Дубровник – но јас сум тука да го претставам како брилијантно прифатлива дестинација“, пишува новинар на „Тајм аут“.

Просечната цена на сместување за едно лице е 61 евро од ноќ.