Ова е суперјахтата „Лана“, долга 107 метри, на која Бијонсе и Џеј Зи пловеа по Јадранот
Поп дивата Бијонсе и нејзиниот сопруг раперот Џеј Зи, деновиве пловеа по Јадранско Море со јахтата „Лана“, една од најголемите суперјахти на Бенети.
107 метри долгата јахта е достапна за изнајмување за два и пол милиони долари неделно.
Внатрешноста на јахтата е прилагодена за 12 гости во осум спални соби – главен апартман и 7 ВИП апартмани, а секоја ВИП кабина е посебна.
За удобност и сигурност на сите гости се грижат 31 членови на екипажот.
Гостите можат да поминуваат време во спа-центарот, теретаната, гледајќи филмови во импресивната киносала или да пливаат во базенот.
Со суперјахтата секако доаѓа и суперопрема – бродови, скии за вода, опрема за нуркање.
Трпезариската маса е изработена рачно од оникс, а на јахтата има и турска бања. Од „зимската градина“ се пружа спектакуларен поглед.
Кабините имаат сѐ што гостите можат да посакаат, а најдобар е главниот апартман со прозорци и тераси на двете страни на јахтата.
Погледнете ја „Лана“.