Ова е најдобрата диета петта година по ред: Го чува срцето и штити од рак на дојка

Фото: Профимедиа

Петта година по ред медитеранската исхрана е најдобрата програма за исхрана, според процените објавени од „Ју-ес њуз & Ворлд рипорт“.

На второто место се најде исхраната ДАСХ, која е карактеристична по намалениот внес на сол, додека третото место го зазема  флекситаријанската диета која подразбира вегетаријанска храна, но е доволно флексибилна за одвреме-навреме да се изеде и хамбургер.

Сите три начини на исхрана вклучуваат намалување или елиминирање на преработена храна, а зголемување на внесот на овошје, зеленчук, цели зрна, мешунки (грав, леќа, грашок), јаткасти плодови (ореви, бадеми) и семки.

Што е, всушност, медитеранската исхрана?

– Мислам дека е важно да се напомене дека сите три најпопуларни диети: медитеранската, ДАСХ и флекситаријанската нудат разновидност, флексибилност и неколку правила – рекла Гретел Шулер, извршен уредник за здравје во „ЈуЕс њуз и Ворлд рипорт“.

– Сите диети коишто имаат добри резултати се безбедни, разумни и поткрепени од науката. Овие диети, кои се прогласени за најдобри, исто така обезбедуваат и соодветни калории со фокус на зеленчукот, овошјето и целите зрна, скромната количина на немасни протеини, млечните производи и повремените десерти – додала таа.

Панел од 27 експерти испитуваа 40 диети и ги рангираа во неколку категории: колку е лесно да се следи диетата, колкава е веројатноста личноста да изгуби тежина, како краткорочно така и долгорочно; колку е ефикасна диетата во превенцијата од кардиоваскуларни болести или дијабетес и хранлива комплетност на исхраната.

Зошто медитеранската исхрана е најдобра за заштита од сонце?

– Генерално зборувајќи, врвните режими на исхрана се водат од тоа што можете да јадете, а не од она што не можете да јадете. А, токму сега – во текот на овие стресни времиња на пандемијата – тоа е особено корисно за луѓето – рекла Шулер.

Таа нагласила дека сакаме храна во која ќе можеме да уживаме, а која ќе го одржува нашето здравје и можеби дури и ќе ни го зајакне имунитетот. Исто така, истакнала дека најдобро рангираните диети го нудат тоа.

Медитеранската исхрана освен севкупното прво место, освои првото место и како најлесна исхрана за следење, најдобра за здрава исхрана, најдобра за дијабетес и најдобра исхрана која се базира на овошје и зеленчук.

Бројни истражувања покажаа дека медитеранската исхрана може да го намали ризикот од дијабетес, висок холестерол, деменција, губење на меморијата, депресија и рак на дојка. Оваа исхрана е поврзана и со поцврсти коски, поздраво срце и подолг живот.

Вегетаријанска или медитеранска исхрана – нема разлика, велат нутриционистите

Медитеранската исхрана вклучува едноставни оброци врз растителна основа, при што најголемиот дел од секој оброк се базира на овошје, зеленчук, цели зрна, мешунки и семки, со примеси на јаткасти плодови и силен акцент на екстра девственото маслиново масло.

Во медитеранската исхрана очигледно се важни сите детали, а освен исхраната има и други фактори. Медитеранските народи се физички активни и имаат посветлен однос кон животот – за нив оброкот е уживање и релаксација, а порциите не се големи.

Исхрана чекор по чекор

* Направете ги оброците поразновидни со воведување свеж зеленчук, зеленчук, салати и чорби

* Користете екстра девствено маслиново масло

* Употребувајте житарки од цело зрна

* Јадете компири и интегрален ориз како замена за леб

* Зачинете го маслиновото масло со свежи билки, лук и кромид

* Испијте чаша црвено вино со оброкот неколкупати неделно

* Пијте вода и други пијалаци сиромашни со шеќери, а не безалкохолни пијалаци

* Секогаш јадете свежо овошје и посно сирење наместо десерти богати со рафиниран шеќер, брашно и заситени маснотии

* Јадете помалку црвено месо, а во менито додадете риба и живина двапати неделно

* Како здрави закуски и грицки вклучете еден грст бадеми, лешници или ореви

 

 

Видео на денот