Геолозите во американската држава Јута открија едно од најголемите наоѓалишта на ретки и критични метали во Северна Америка, чија вкупна вредност се проценува на околу 120 милијарди евра. Наоѓалиштето содржи 16 различни критични метали и ретки земни елементи, вклучувајќи литиум, ванадиум, ниобиум, галиум, германиум, скандиум, рубидиум и цезиум – суровини кои се клучни за модерната економија.

Откритието би можело да има стратешко значење за американската и глобалната индустрија, особено во секторите за батерии, електрични возила и високотехнолошка индустрија, пишува Biznes.info- пренесува Пословни дневник. Според достапните податоци, наоѓалиштето содржи 16 различни критични метали и ретки земни елементи, меѓу кои се литиум, ванадиум, ниобиум, галиум, германиум, скандиум, рубидиум и цезиум – суровини кои се клучни за модерната економија.

Ова се метали што се користат во батерии за електрични возила, полупроводници и електроника, обновливи извори на енергија, одбранбена и вселенска индустрија.
Посебната важност на локацијата се рефлектира во фактот дека би можела да помогне во намалувањето на зависноста на САД од увозот на критични суровини, првенствено од Кина, која моментално доминира на глобалниот пазар за ретки метали и нивна преработка.

Локацијата е идентификувана во таканаречената геолошка формација на јонско-адсорпциска глина (IAC), која се смета за поповолна за експлоатација во споредба со класичните наоѓалишта на ретки метали. Овој тип на почва овозможува потенцијално пониски трошоци за екстракција и преработка, како и помал еколошки отпечаток. Сепак, експертите предупредуваат дека ова се прелиминарни проценки и дека ќе бидат потребни дополнителни години истражување, дозволи и инвестиции пред евентуалниот почеток на комерцијалното производство.

Откритието доаѓа во време кога западните земји брзо бараат начини да ги обезбедат своите сопствени синџири на снабдување за клучни суровини потребни за енергетската транзиција и дигиталната економија. Доколку наоѓалиштето во Јута се покаже како економски одржливо, тоа би можело да стане еден од најважните домашни извори на критични метали во САД, со потенцијално влијание и врз глобалниот пазар. Проценетата вредност од 120 милијарди евра се однесува на потенцијалната пазарна вредност на металот во земјата, а не на загарантиран профит. Вистинската профитабилност ќе зависи од цените на суровините, технологијата на преработка, регулаторните рамки и барањата за животната средина.

Сепак, веќе е јасно дека ова е едно од најзначајните геолошки откритија во последните години, кое би можело да игра важна улога во иднината на електричните возила, батериите и високата технологија.