Основниот суд Велес му изрече условна казна затвор од три месеци на татко кој оставил тротинет во дворот, а неговото дете го зело да го вози, по што паднало и се повредило заедно со другар, јавува „СДК.мк“.

Родителот е прогласен за виновен за кривично дело „Предизвикување на општа опасност“.

За да не оди во затвор, таткото сега не смее да изврши друго кривично дело во следната година.

Настанот се случил на 1 мај годинава. Осудениот татко го оставил електричниот тротинет во дворот на семејната куќа, а и покрај тоа што бил свесен дека е достапен за управување и дека детето може да го земе, тој тоа не го спречил. Синот, чијашто точна возраст не се открива, го зел тротинетот, качил уште едно дете на него и, возејќи по стрмните улици во Велес, паднале и се повредиле.