По повод 3-ти декември,  Денот на лицата со попреченост, Општина Карпош ќе додели по 5000 денари еднократна парична помош на граѓани со попреченост кои живеат на нејзина територија.

За таа цел веќе е објавен јавен повик на кои заинтересираните жители можат да се пријават до 27 ноември. Помошта, како што е наведено во повикот,  ќе се доделува според редослед на пријавување сѐ до исцрпување на предвидените средства за оваа намена во локалниот буџет.

За да го остварат правото на паричен надомест апликантите треба во Општината да достават лична карта и трансакциска сметка, како и наод и мислење за вид и степен на попреченост во физичкиот или психичкиот развој  или конзилијарно мислење за остварување на правото на додаток за попреченост во прв степен или друг документ со кој се потврдува видот и степенот на попреченост.