По големото невреме што го зафати Скопје на 21 јули, Општина Аеродром започна постапка за обесштетување на граѓаните кои претрпеле штети.

Како што претходно соопшти Дејан Митески, граѓаните што претрпеле штета треба да ја пријават во Полициската станица – Аеродром, за да се изготват записници и навремено да се евидентираат штетите.

Откако ќе им биде изготвен записникот, жителите на Аеродром кои претрпеле штети од невремето пак, имаат можност да пополнат образец за пријавување на штети. Како што соопштија од Општината, образецот за пријавување штета е достапен во просториите на Општина Аеродром, а може да се преземе и од официјалната веб-страница на овој линк.

Заедно со пополнетиот образец, кон барањето задолжително е да се приложат фотокопија од важечка лична карта или пасош, доказ за сопственост (фотокопија од имотен лист), фотографии од локацијата по претрпената штета и записник од МВР за настанатата штета.