Учениците од основното училиште „Лазо Ангеловски“ во општина Аеродром денеска добија бесплатни таблет уреди. Како што соопштија од Општината, набавени се уреди за околу 900 ученици, а со ова, посочуваат дека ќе се надмине дигиталниот јаз кај нив и тие ќе ги користат за стекнување нови знаења и развој на дигитални вештини.

Градоначалникот на Општина Аеродром, Тимчо Муцунски и претседателот на советот Дејан Митески, денеска на учениците им ги поделија таблетите и порачаа дека со континуираните инвестиции во образованието, Општина Аеродром е на вистински пат од кој бенефит ќе имаат учениците во Аеродром.

Ние не застануваме тука, продолжуваме да инвестираме во учениците, како важен сегмент од процесот на создавање модерна и развиена општина. Посебно се радувам на ваквите проекти, затоа што во услови кога централна власт заборава на учениците и предзвикува неизвесност, ние секојдневно промовираме нови проекти со кои го унапредуваме образовниот процес на локално ниво, изјави Муцунски.

Како што соопшти тој, уредите се набавени со средства од општинскиот буџет.