Официјално: Гризман е нов фудбалер на Барселона! - Слободен печат
СпортФудбал

Официјално: Гризман е нов фудбалер на Барселона!

Сагата заврши, го дочекавме најголемиот трансфер ова лето, Французинот Антоан Гризман од Атлетико Мадрид доаѓа на „Камп Ноу“.

Како што и веќе објавивме, адвокатите на Гризман тргнаа во акција да се откупи неговиот договор. Барселона ја плати откупната клаузула од 120 милиони евра да се ослободи играчот од Атлетико.

Играчот официјално ќе потпише договор на пет години со Барса, односно ќе биде нејзин фудбалер до јуни 2024 година.

Веќе во договорот каталонскиот гигант ја вметна клаузулата, а таа изнесува неверојатни 800 милиони евра.

Со неговото доаѓање во Барселона, светскиот шампион направи уште еден чекор напред во својата кариера, со неговите перформанси промовирајќи се во еден од најдобрите фудбалери на светот.

Барса го дефинираше своето ново засилување како еден брз и опасен играч во контра нападите, постигнувајќи прекрасени голови од далечина, но и во прав момент знае да асистира.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close