Официјално: Васоски е новиот тренер на Академија Пандев
По заминувањето на Ѓорѓе Стојчев, Академија Пандев беше во потрага по нов тренер, а изборот падна на Александар Васоски кој веќе знае како е да се биде шеф на стручниот штаб на струмичкиот прволигаш.
Поранешниот македонски репрезентативец ги водеше „пандевци“ од 2020 до 2022 година кога запиша учинок од 16 победи, осум нерешени и исто толку порази во 32 официјални натпревари. Во 2021 година беше дел од финалето во Купот на Македонија.
Потоа, се пресели во Босна и Херцеговина, како стратег на Сараево, но си замина поради лошите резултати после неполни пет месеци.
Својата тренерска кариера 42-годишниот Васоски ја започна на клупата на Вардар од 2018 до 2020 година.
Академија Пандев по првите шест кола во шампионатот е на петтата позиција со седум бодови, 11 помалку заад водечката Струга. Следниот меч играчите на Васоски ќе го имаат на 11 септември на гостувањето кај Тиквеш.