Официјално: Мазрауи од Ајакс во редовите на Баерн Минхен
Поранешниот играч на Ајакс, Нусаир Мазрауи денеска потпиша четиригодишен договор со Баерн Минхен до јуни 2026 година.
Мароканскиот 24-годишен десен бек се пресели во Баерн како слободен играч, откако му истече договорот со холандскиот клуб.
– Со Мазрауи продолжуваме да го зајакнуваме нашиот тим. Имаме големи цели за новата сезона – вели извршниот директор на Баерн, Оливер Кан.
Баварскиот гигант оваа сезона ја освои 10 последователна шампионска титула во Бундеслигата.
Мазраруи дојде во фудбалската школа на Ајакс во 2013 година, а за првиот тим дебитираше пет години подоцна. За Ајакс одигра 137 натпревари и постигна 10 гола.
За репрезентацијата на Мароко одигра 12 натпревари. Баерн во понеделникот го продолжи договорот со голманот Мануел Ноер до 2024 година.
A sneak preview of what we can expect 👀#MiaSanMia #ServusMazraoui pic.twitter.com/srPJy4ySSf
— FC Bayern Munich (@FCBayernEN) May 24, 2022