Официјално: Луис Суарез ќе го напушти Атлетико Мадрид
Атлетико Мадрид во рамките од претпоследното 37 коло од најсилното шпанско првенство ремизираше на домашен терен со резултат 1:1 против Севиља.
Овој меч на стадионот „Ванда Метрополитано“ во Мадрид беше можност навивачите на Атлетико за последен пат да го поздрават Луис Суарез кој и официјално ќе се раздели со „јорганџиите“ на крајот од сезоната, а истото ќе го направи и 32-годишниот мексикански играч од средниот ред, Ектор Ерера.
Како што се најавуваше, тренерот Диего Симеоне му даде минутажа на Суарез кој беше стартер и настапи до 65 минута кога беше заменет од Матеус Куња.
Суарез во 2020 година дојде од Барселона во Атлетико, а доаѓањето на Уругваецот се покажа како одличен потег и со екипата лани ја освои титулата во „Ла Лига“.
Искусниот 35-годишен напаѓач запиша вкупно 81 настап во дресот на мадридскиот тим и постигна 34 голови.
Сè уште не се знае во кој клуб Суарез ќе ја продолжи кариерата и во кој најверојатно ќе ја заврши својата богата кариера. Но, се знае дека претходно ги бранеше и боите на Барселона со која ги оствари најголемите успеси, потоа играше и за Ливерпул, Ајакс, Гронинген и Насионал.
Thank you for all the unforgettable moments, Luis.
Forever one of us ❤️🤍 pic.twitter.com/3w9g20ylez
— Atlético de Madrid (@atletienglish) May 15, 2022
This will always be your home ❤️ pic.twitter.com/Vesam54fHm
— Atlético de Madrid (@atletienglish) May 15, 2022