Габриел Жесус денеска и официјално ја задолжи опремата во Арсенал откако пред десетина дена „топчиите“ и Манчестер сити ги договорија сите детали за трансферот на бразилскиот репрезентативец.Арсенал за Жесус плати 45 милиони фунти, а напаѓачот во новиот клуб ќе го носи дресот со број девет.

– Возбуден сум. Арсенал направи одлична работа што донесе играч со реномето на Жесус. Го знам Габриел лично, а сите го познаваат по времето поминато во Премиер лигата и по постигнатите успеси. Долго време баравме играчи што ќе претставуваат големи засилувања за нас и успеавме да донесеме фудбалер кого го посакувавме и поради тоа сум многу среќен – изјави менаџерот на Арсенал, Микел Артета.

Артета добро ги познава квалитетите на Габриел Жесус бидејќи две години му беше помошник на Пеп Гвардиола во Манчестер сити.

⛅️ On Cloud No. 9

🔴 Welcome to Arsenal, Gabriel Jesus pic.twitter.com/kPgOx9uVZd

— Arsenal (@Arsenal) July 4, 2022