Од коронавирус почина хрватската тренерска легенда Ото Бариќ
Денеска на 87-годишна возраст почина легендарниот хрватски тренер Ото Бариќ како последица предизвикана од коронавирусот. Иако се чувствувал добро, ситуацијата се влошила во последните неколку дена.
„Хер Ото“ беше роден на 19 јуни 1933 година, а најголемите успеси ги имаше во Австрија. Со Рапид од Виена освои три шампионски титули, а во 1985 година играше финале во тогашниот Куп на куп победници.
Подоцна со Салцбург освои два трофеи во австриската Бундеслига и играше за трофејот во тогашниот Куп на УЕФА (сегашна Лига Европа) во 1994 година.
U Zagrebu je u 88. godini preminuo Otto Barić, jedan od najuspješnijih hrvatskih nogometnih trenera svih vremena i bivši izbornik Vatrenih. Hrvatski nogometni savez izražava duboku sućut njegovoj obitelji zbog ovog nenadoknadivog gubitka. Počivao u miru.
? Drago Sopta pic.twitter.com/S9OC2Kr109
— HNS (@HNS_CFF) December 13, 2020
На клупата на хрватската сениорска репрезентација седна во 2002 година и истата ја водеше на Европското првенство во 2004 година во Португалија.
Тогаш „коцкестите“ освоија само два бода во групата со Франција, Англија и Швајцарија, па учеството го завршија на третото место. Севкупно со Хрватска запиша 11 победи, осум нерешени и пет порази.
Тренерската кариеар ја заврши во 2007 година како селектор на Албанија. Го водеше и Динамо Загреб во сезоните 1979/1980 и 1996/1997.