На скопскиот и на охридскиот аеродром веќе нема да може роднини и пријатели да ги испраќаат и да ги дочекуват гостите.

Ова е дел од протоколот по кој ќе работат аеродромите по нивното отворање на 1 јули.

Од ТАВ информираат дека сите патници на аеродромот треба да пристигнат најмалку 3 часа пред нивниот лет, да стават заштитна маска пред да влезат во терминалната зграда на аеродромот, да ги дезинфицираат обувките и рацете на самиот влез во зградата и постојано да одржуваат физичко растојание. На патниците ќе им биде мерена и температура со термална камера, а насекаде ќе бидат поставени средства за дизинфекција.

Во врска со распоредот на летање, од ТАВ велат дека тој не зависи само од Одлуката на Владата за реотворање на аеродромот за патнички летови, туку и од одлуките на авиокомпаниите, како и земјите до чии дестинации се леташе од меѓународниот аеродром „Скопје“ и од охридксиот аеродромот „Свети Апостол Павле“пред коронавирус-кризата,  па оттаму ги упатуваат сите патници да ги следат веб-страниците на двата аеродроми.

Но, како што неофицијално дознаваме, уште на првиот ден ќе има лет од страна на  „Визер“.