Њујорк тајмс: Поранешен министер од владата на Груевски вмешан во мултимилионска злоупотреба на набавка на маски

Неколку лица, меѓу кои и поранешен македонски министер од владата на Никола Груевски се вмешани во злоупотреба на мултимилионска набавка на заштитни маски за потребите на градот Њујорк, пишува Њујорк Тајмс.

Според нив, глава на операцијата бил извесен продавач на половни автомобили, а учествувале и поранешен министер во македонската влада и раководител на фирма која имала намера да се занимава со производство на електрична енергија од медицински отпад.

Продавачот на автомобилите Роналд Романо се претставувал како застапник на брендот за заштитни маски „3М“ и на градските власти во Њујорк им понудил 7 милиони маски но по цена 400 пати повисока отколку реалната.

Заштитни маски кои очајно ѝ биле потребни на општинската управа на Њујорк за да ги обезбеди медицински работници, полицијата и останатите служби, требало да бидат платени за сума од 45 милиони американски долари.

Прочитајте и...  Франција: 7,6 милијарди евра за подобри плати на медицинскиот персонал

Како што пишува весникот, препродавачот на автомобилите Роналд Романо е веќе уапсен и се товари за две други криминални дејствија поврзани со електронско-финансиски измами.

Во обвинението против Романо напишано на 25 страници се споменуваат и други лица кои се поврзани со неговите зделки, но тие не се посочени со име и презиме. Сепак, врз основа на бројните податоци од обвинението, доброупатен извор од истрагата, на новинарот од Њујорк Тајмс им го обелоденил идентитетот на осомничените.

„Едно лице идентификувано како соработник врз база на добиените детали од обвинението е Глигор Ташковиќ, поранешен министер за странски инвестиции на Македонија, кој има работено во финансиската индустрија, а сега според неговиот Линкдин профил работи во Д.А. Интернешенл Груп“, пишува Њујорк Тајмс.

Прочитајте и...  Приведен директорот на скопската зоолошка

Според медиумот, Ташковиќ бил инволвиран во комуникацијата со Романо поврзана со продажбата на заштитните маски кон општинските власти на Њујорк.

„На 24 март, Ташковиќ испратил мејл до Романо со наслов „Размислувања за порачката на Градот Њујорк“ во која меѓу другото напишал „ова ќе биде тајниот зачин со кој ќе стекнеме предност‘“, се вели во текстот на Њујорк Тајмс

Според адвокатот Адам С. Кофман, неговиот клиент Ташковиќ не е дел од никаква незаконска шема. Тој вели дека Ташковиќ доброволно соработувал со истражните власти обезбедувајќи им информации и материјали.

„Ташковиќ му верувал на бескрупулозен добавувач со кого се запознал преку близок пријател. Ташковиќ се откажал од зделката кога добавувачот одбил да ги даде побараните информации, а тоа се случило пред да биде направена каква било финансиска трансакција“, вели Кофман.

Прочитајте и...  Осум нови случаи и едно лице излекувано од коронавирусот во Кичево

Ташковиќ беше министер за привлекување на странски инвестиции во периодот од 2006-2008 година во Кабинетот на Никола Груевски. Од 2017 до 2019 година беше член на Комитетот за одобрување инвестици на Фондот за иновации и технолошки развој.

Прочитај повеќе

Известувачот на ОН, Дејвид Кеј, ја предупреди Белата куќа за негативниот „ефект на Трамп” врз глобалната слобода на медиумите

Слободен печат

Во Дебар и Центар Жупа денеска ќе гласаат 33 болни и немоќни лица

Слободен печат

Македонија утре избира власт

Соња Христовска Угриновска

Болсонаро: Доколку бидам негативен на денешниот тест, се враќам на работа

Слободен печат

Кина донира заштитна опрема во вредност од 250 илјади евра

Слободен печат

Одбележување на Националниот празник на Франција

Слободен печат

Остави Коментар

Прочитај повеќе

Денес гласаат болните, немоќните и затворениците, најмногу пријавени во Прилеп и Кичево

Слободен печат

ОДИХР: Прелиминарна оценка на 16 јули, конечен извештај околу осум недели по денот на изборите

Слободен печат

Најголем број активни случаи од Ковид-19 во Скопје, не се очекува поголем наплив во болниците

Слободен печат

Сончево време со слаб до умерен ветер, температура до 29 степени

Слободен печат

Курсна листа на НБРМ: Колкава е вредноста на еврото денеска?

Слободен печат

Еболата се шири во Конго, досега потврдени 50 смртни случаи

Слободен печат