Ново истражување: Загадувањето на воздухот може да ја зголеми смрттноста од КОВИД-19 за 15%

Зголемената изложеност на загаден воздух може да доведе до зголемување на ризикот од смрт од КОВИД-19 за околу 15%, пренесуваат од најновото меѓународно истражување на Институтот за хемија во Мајнц, Германија.

Новото истражување објавено во списанието „Cardiovascular Research“ се обидува да процени до кој степен загадувањето на воздухот кое ионака би можело да предизвика предвремени смртни случаи, може да влијае на смртноста од коронавирусот.

Според професорот Џонс Леливел од Институтот за хемија во Мајнц, Германија тој однос може да биде околу 19% во Европа, 17% во Северна Америка и околу 27% во источна Азија.

Подолгата изложеност на загаден воздух придонела за 29% од смртните случаи од коронавирус во Чешка, 27% во Кина, 26% во Германија, 21% во Белгија, 19% во Холандија, 18% во Франција, 15% во Италија, 14% во Велика Британија, 12% во Бразил, 11% во Португалија, 9% во Шпанија, 6% во Израел, 3% во Австралија и само 1% во Нов Зеланд.

Прочитајте и...  Ролери за совршена нега на лице -  Catrice Rose Quartz ролер и Catrice Rose Quatz Gua Sha

Истражувачите користеле претходни епидемиолошки податоци од Америка и Кина за загадувањето на воздухот, КОВИД-19 и вируси слични на коронавирусот. Во нивните пресметки, ги комбинирале сателитските податоци за глобално изложување на малите честички „PM2, 5“ со податоците од мрежите за следење на загадувањето на почвата.

Истражувачите не ја утврдуваат врската помеѓу директната причина и последиците од загадувањето врз смртноста од КОВИД-19!

„PM2, 5“ честичките се чини дека ја зголемуваат активноста на единствениот рецептор наречен „ACE-2“, кој се наоѓа на површината на клетките и учествува на начинот на кој КОВИД-19 ги инфицира пациентите, велат истражувачите.

Така, имаме двоен удар – загадувањето на воздухот ги оштетува белите дробови и ја зголемува активноста на „ACE-2“, што доведува до подобра апсорпција на вирусот“, вели др Томас Минзел од Универзитетот Јоханес Гутенберг во Мајнц.

Прочитајте и...  Словенија со дневен ковид рекорд на смртни случаи: За 24 часа починале 59 пациенти

Транзицијата кон „зелена економија“ со чисти и обновливи извори на енергија ги поддржува и животната средина и јавното здравје подобрувајќи го квалитетот на воздухот на локално и глобално ниво.

Ана Хансел, професорка по еколошка епидемиологија на Универзитетот во Лестер, вели дека е „многу веројатно“ да постои врска помеѓу загадувањето на воздухот и смртноста од КОВИД-19, но оцени дека е „премногу рано да се обиде прецизно да се измери“ тој однос.

Поврзани вести

Меган Маркл: Војвотката од Сасекс со болка и тага раскажа дека претрпела спонтан абортус

Слободен Печат

Шкотска е првата земја во светот што ќе овозможи бесплатeн пристап до менструални производи

Слободен Печат

Ново истражување: Веганите имаат дури 43% поголем ризик од кршливост на коските

Слободен Печат

Никол Кидман: Велат дека осаменоста е тивок убиец. Не го кажуваат тоа без причина.

Слободен печат

Дневен хороскоп за 25 ноември: Забранетото овошје носи горчлив вкус, прифатете го она што го добивате

Слободен печат

Виц на денот: Глупост

Слободен печат

Остави Коментар