Денеска во центарот на Белград се одржа нов собир за поддршка на Новак Ѓоковиќ кој трет ден се наоѓа во хотел за мигранти во Мелбрун, и на него повторно зборуваше таткото на тенисерот, Срѓан Ѓоковиќ.

Срѓан Ѓоковиќ рече дека неогвиот син со ниту една постапка не го заслужил тоа што австралиските власти веќе трет ден му го прават.

– Не ме интересира ништо освен мојот син, тука е целото негово семејство. Не сме тука за да напаѓаме било кого, тука сме да го браниме Новак – рече Срѓан Ѓоковиќ.

Новак Ѓоковиќ во средата допатува во Мелбурн, но не му беше дозволен влез во Австралија бидејќи му беше одбиена визата. Ѓоковиќ веднаш вложи жалба на ваквата одлука и до понеделник кога федералниот суд ќе донесе конечна одлука, тој е сместен во хотел за мигранти.