Норвешка продолжува да пишува историја на Зимските олимписки игри во Милано и Кортина, а ново злато за скандинавската сила донесе биатлонецот Јоханес Дале-Шјевдал

Тој беше единствениот натпреварувач кој ги погоди сите 20 мети на 15 километри, демонстрирајќи совршена прецизност и мирна рака во клучните моменти. Со тоа ѝ го донесе на Норвешка вкупно 17. злато на Игрите, со што беше урнат рекордот за најмногу златни медали освоени од една земја на едни Зимски олимписки игри.

Претходниот рекорд Норвежаните го поставија на Игрите во Пекинг во 2022 година, кога освоија 16 златни медали.

Дале-Шјевдал до најсјајниот медал стигна со време од 39:17.1 минути. Веднаш зад него низ целта помина неговиот репрезентативен колега Стурла Холм Легреид , кој освои сребро со заостанување од десет и пол секунди.

Бронзениот медал замина во рацете на Французинот Квентин Филон Маилет, кој за победникот задоцни 25,6 секунди.