Дарио Николовски, директор на Државен студентски центар -Скопје во „Утрински брифинг“ на „Слободна ТВ“ зборуваше за состојбата во студентските домови во услови на коронавирус.

-Во моментов нема најави дека студентскиот живот ќе се врати во нормала, но ние периодов го користиме да го направиме студентскиот живот во домовите подобар. Се сложувам дека учебната година може да заврши ваква, но морам да напоменам дека ние сме подготвени и доколку тие се отворат и оваа година, рече тој.

Следно е реновирање на студентскиот дом „Стив Наумов“, а се работи на подигнување на хигиената на повисоко ниво.

-Знаете дека кон среднита на февруари отворивме 2 блока во „Гоце Делчев“. Следи реновирање во „Стив Наумов“. Проектот е во крајна фаза и очекуваме оваа година да да го добие стандардот кој што го заслужуваат студентите.

Хигиената е еден од приоритетите. И до сега вложувавме многу на тоа поле, но продолжуваме со работа за таа да биде на уште повисоко ниво, истакна Николовски.