Никој не сака да биде во близина на зависници од дрога. Дали висат во воздух дисперзираните центри за зависници? - Слободен печат

Никој не сака да биде во близина на зависници од дрога. Дали висат во воздух дисперзираните центри за зависници?

 

Поликлиниките во Аеродром и Ченто, психијатриската болница Бардовци, Градската општа болница „8ми Септември“, Клиниката за токсикологија и постоечкиот центар за зависници во Кисела Вода ќе бидат шесте пунктови на кои зависниците од дрога ќе можат да ја земаат редовната метадонска терапија. По десетгодишни консултации и обиди за изнаоѓање соодветно решение на проблемот со зависниците, ова е конечна одлука на Министерството за здравство.

Здружението ХОПС-опции за здрав живот, кое беше и иницијатор за дисперзија на центарот за зависности ја поддржува оваа одлука, но истата наиде на револт и несогласување од страна на граѓаните, кои не ги сакаат во нивна близина зависниците од дрога.

И додека едните стојат на ставот дека пристапот до лекување на зависности блиску до местото на живеење е право, а не привилегија, исто како и за секоја друга здравствена состојба, другите стравуваат за својата безбедност, и бараат вакви центри да се отворат во најдалечните делови од градот, каде што пациентите нема да имаат контакт со населението. Но, тука, се појавува проблемот со пристапноста, на која што според добро упатените мора да се внимава, односно, терапијата на зависниците мора да им биде на дофат, блиску до местото на живеење. Дали одлуката ќе остане конечна и од кога ќе започнат да функционираат дисперзираните центри за зависници, денеска на заедничка средба ќе одлучат министерот за здравство, Венко Филипче, градоначалниците на скопските општини и претставниците од невладиниот сектор.

Прочитајте и...  Саздовски: Македонија има сериозен недостаток на пилоти

 

Стравот е неоправдан

„Базирано на нашето 20 годишно искуство и добрите примери од други земји, долго време препорачувавме дека дисперзија на лекувањето во секоја скопска општина најдобро ќе одговори на потребите на клиентите“, вели за Слободен печат извршниот директор на ХОПС, Ивица Цековски. Според него стравот на населението, да бидат во близина на зависници од дрога, кои примаат редовна терапија е разбирлив, но потполно неоправдан, ако се земе во предвид дека со намалувањето на бројот на пациенти на едно место, се намалува и опасноста од евентуални проблеми.

Доказ за тоа е и пунктот во рамки на Градската општа болница „8 Септември“, каде и до сега се даваше здравствена заштита на овие лица, а при тоа не се регистрирани нарушувања на јавниот ред и мир кај локалното население.

Прочитајте и...  Богдановиќ: Ќе се залагам за проширување на надлежностите поврзани со заштита на животната средина на локално ниво

Во центарот за зависници во Кисела Вода во моментов се лекуваат петстотини пациенти, а граѓаните од општината во неколку наврати преку организирање мирен протест бараа да се дислоцира центарот. Мирен протест пред два месеца одржаа и жителите на Гази Баба, кога беше соопштено дека постои можност центарот да се дислоцира во просториите на поранешната фабрика Металски Завод- Тито. Засега единствено мирни се карпошани.

„Општина Карпош е со јасен став дека ќе го почитува правото на секој граѓанин да добие соодветна здравствена заштита, доколку притоа не се нарушува сигурноста и здравјето на останатите граѓани“, велат од општина општината, и дополнуваат дека до општината се уште нема пристигнато поплаки, ниту било какви рекции од граѓаните.

Прочитајте и...  Руски авион се вратил на аеродромот поради закана од бомба

 

На зависниците им треба и психосоцијална заштита, а не само фармаколошки третман

Според Министерството за здравство, со оваа одлука се решава децениски проблем, но третманот на пациентите не смее да заврши само со фармаколошка терапија, смета директорот на ХОПС.

„Ресоцијализацијата и рехабилитацијата на зависниците задолжително треба да бидат составен дел од лекувањето. Третирањето на пациентите никако не смее да заврши само со фармаколошка терапија“, дециден е извршниот директор на ХОПС, Ивица Цековски. Но, за тоа потребно е проширување на кадарот кој работи со овие пациенти, проблем кој се провлекува со години, бидејќи, како што вели, се помал е бројот на доктори кои сакаат да работат на оваа проблематика.

Очекувањата од дисперзирањето на Центарот за зависници се, целиот процес на лекување дополнително да се контролира со вклученост на повеќе стручни, медицински лица, сектори при министерствата и граѓанските организации кои работат на ова поле.

 

 

Прочитај повеќе

Преживеаните од Аушвиц ги раскажаа горчливите искуства

Слободен печат

Средба Пендаровски – Додик: Не е фер што Македонија не доби датум за почеток на преговорите со ЕУ

Слободен Печат

Дескоска: Со ВМРО-ДПМНЕ на јавна дебата не можете никогаш да го предвидите однесувањето

Слободен печат

Пекинг стана град на духови, улиците се празни заради корона вирусот (Галерија)

Слободен печат

Термална камера ги лови патниците со температура, тие без симптоми слободно може да го шират вирусот

Мими Шушлеска Петкова

СЗО оцени дена заканата од корона вирусот е „висока“ на меѓународно ниво

Слободен печат

1 comment

zagrizeni oditeli 22/07/2019 - 14:22 at 14:22

Razbirlivo deka graganite se bunat za ovaa disperzija, bidejki i problemot so i okolu centarot za zavisnici od K. Voda ke se dizprzira niz drugite naselbi.
Vo Aerodrom polikinikata se naoga pomegu detska gradinka, osnovno uciliste i novi 100 zgradi, a vo poliklinikata site deca od osnovnite ucilista vo opstinata odat na sistematski pregledi i sekojdnevno lekuvanje.

Pa so koj pamet se otvara centar vo opstina Aerodrom????? Vo opstina so najmnogu deca!!!!

Zasto postoi Klinicki Centar, ako ne da gi sober i lekuva site zavisnici?
Barem malku razum luge!!!
Pozdarv

Reply

Остави Коментар

18 − eleven =

Прочитај повеќе

Царовска: Владата има цврста определба на сочувувањето на сеќавањата и вистината за Холокаустот

Слободен печат

Запрена операцијата за спасување по земјотресот во Турција

Слободен Печат

Кацарска: Згрозена сум од изјавата на Стефанова

Слободен печат

Директорот на СЗО допатува во Кина поради корона вирусот

Слободен печат

Деловната страна на Коби Брајант: Го пренесе „мамба менталитетот“ и во бизнисот

Слободен печат

Кина ја надмина Русија во производството на оружје и воена опрема

Слободен Печат