На продолжението на 9. седница на Советот на Општина Центар денеска ја изгласа одлуката предложена од градоначалникот Горан Герасимовски за изработка на проект за доградба на ООУ „Јохан Хајнрих Песталоци“, со што откако ќе бидат изградени дополнителните училници, во основните училишта во Центар целосно ќе се воведе едносменска настава

„Ова е значаен момент за образованието во Центар. Со доградбата на ООУ „Јохан Хајнрих Песталоци“ не само што ги зголемуваме капацитетите на училиштето, туку конечно го исполнуваме и едно од нашите најважни ветувања, сите основни училишта во Општина Центар да преминат на едносменска настава“, изјави Герасимовски.

Тој додаде дека со реализацијата на овој проект значително ќе се зголемат просторните капацитети на училиштето, ќе се обезбедат современи услови за учениците и наставниот кадар, а конечно ќе се создадат услови наставата да се одвива исклучиво во една смена.