Незаконска употреба на РК Вардар, не купувајте лоши копии! – Слободен печат
РакометСпорт

Незаконска употреба на РК Вардар, не купувајте лоши копии!

Името и амблемот на РК Вардар, и дресовите со кој настапуваше лани и на финалето во ЛШ се заштитени марки и не смее да се користат без согласност на клубот.

Оригиналниот дрес на европскиот шампион може да го купите единствено во официјалната продавница на РК ВАРДАР и ФК ВАРДАР – Вардар Фаншоп лоцирана во СЦ Јане Сандански и on-line на www.vardarfanshop.com.

Во периодот по освојување на шампионската титула онлајн продавниците кои функционираат преку социјалните мрежи Фејсбук и Инстаграм беа преплавени со разновидни производи што го носеа логото клубот, и тоа со двете ѕвезди кои симболично ги претставуваат двете шампионски титули. Копија на црвено-црниот дрес што вардарци го носеа на настапот против Барселона во Келн, што е заштитен и во Hummel, исто така незаконски се нуди на продавници кои функционираат преку Фејсбук.

Клубот ги предупредува и своите навивачи да внимаваат од каде купуваат брендирани производи со логото на европскиот шампион.

-Разновидните фалсификати се продаваат без согласност од клубот, и сакаме да Ве повикаме да помогнете во заштитата на брендот Вардар и да не купувате од лошите копии на дресовите или производите кои незаконски го носат логото на Вардар. Воедно сакаме да предупредиме и на незаконска употреба на името РК Вардар и амблемот на Вардар при креирање на профили и страници на Фејсбук и Инстаграм, каде се објавуваат непроверени информации за клубот, со што се доведуваат во заблуда нашите фанови и читателите воопшто – информираат од македонскиот и европскиот ракометен првак.

Официјалната интернет страница е rkvardar.mk, додека официјалните профили на РК Вардар на Фејсбук и Инстаграм се RK Вардар, односно РК Вардар.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close