Незадоволни навивачите на Реал бидејќи Алаба најмногу гласови му додели на Меси
Фудбалерот на Реал Мадрид и капитен на репрезентацијата на Австрија, Давид Алаба му даде најмногу поени на Лионел Меси во гласањето за наградата The Best на ФИФА, додека на второто место го стави својот соиграч Карим Бензема.
Кога резултатите од гласањето станаа јавно достапни, Алаба доби лавина критики на социјалните мрежи, особено од навивачите на Реал.
Освен расистичките коментари, многумина му пишаа да го напушти Реал Мадрид. Австриецот излезе и објасни зошто гласовите се така наредени:
Regarding FIFA The Best Award:
The Austrian national team vote for this award as a team, not me alone. Everyone in the team council is able to vote and that's how it's decided.Everyone knows, especially Karim, how much I admire him and his performances
— David Alaba (@David_Alaba) February 28, 2023
– Австриската репрезентација како тим гласа за оваа награда, а не само јас. Сите во советот на тимот можат да гласаат и така се одлучува. Сите знаат, особено Карим, колку му се восхитувам на него и на неговите настапи – објави Алаба на социјалните мрежи.
Потсетуваме, Меси заврши како победник, а зад него беа Килијан Мбапе и Карим Бензема.
ФИФА само потврди: Меси е најдобриот фудбалер за 2022 година!
