Куп натпреварите ширум Европа често носат интересни фудбалски приказни, кога аматерските клубови добиваат шанса да се соочат со професионалци, па дури и со најдобрите. Токму една таква сензација доаѓа од Холандија, каде четвртолигашот Хугевен приреди вистинско чудо и го елиминираше професионалниот клуб Емен, редовен учесник во холандската Ередивизија, кој сега настапува во втората лига.

Хугевен славеше со минимални 1:0, но резултатот не е најфасцинантниот дел од оваа приказна.

Верувале или не, фудбалерот Герсом Клок, кој ги одигра сите 90 минути за Хугевен и го исфрли Емен од Купот, е всушност вработен токму во клубот што го елиминираше!

🇳🇱 Big story in the Dutch Cup: FC Emmen lost to lower-league Hoogeveen, whose team included Emmen’s own physical coach Gersom Klok.

In light of the result, he does not plan to go into work today, saying: “No, we’re not going to do that. I also think the boys don’t need to see me… pic.twitter.com/cdm797HUWJ

— The Sweeper (@SweeperPod) October 29, 2025

Клок (35) игра за аматерскиот Хугевен чисто од љубов кон фудбалот, а во исто време работи во Емен како кондционен тренер во стручниот штаб. Така, без ниту денар надоместок, овој искусен дефанзивец му донесе елиминација на сопствениот работодавач.

„Ова е историски момент за клубот, а јас сум дел од тоа“, изјави Клок за „ЕСПН“ по натпреварот.

Интересно е што токму со Емен тој пред неколку години се промовираше во Ередивизија и одигра 17 натпревари во највисокото холандско друштво во сезоната 2018/19. По заминувањето од клубот, Клок пет години настапуваше во третата лига, пред ова лето да се приклучи на Хугевен.

Преземено од: Спорт.ком.мк