„Netflix“ го објави трејлерот за последна сезона од серијата „La Casa de Papel“
Креаторите на популарната криминалистичка серија „La Casa de Papel“ денеска го објавија трејлерот за петтата сезона, која воедно ќе биде и последна. Овој пат, серијата ќе биде поделена на два дела од по пет епизоди, меѓу кои ќе има пауза од три месеци.
Трејлерот започнува со снимка од бандата, која сега е затворена во Централната банка на Шпанија повеќе од 100 часа. Трејлерот исто така го прикажува професорот уапсен од инспекторот Сиера и за првпат нема подготвен план за бегство.
„100 часа изгледаа како 100 години“, вели Токио, опишувајќи ја моменталната состојба. „Предавање не е опција“, стои во описот на официјалниот постер од петтата сезона, објавен на твитер-профилот на серијата.
Официјалниот синопсис на петтата сезона навестува случувања и нови борби што може да се видат и на трејлерот.
Surrender is not an option.
La Casa de Papel / Money Heist Part 5, Vol 1 premieres September 3 pic.twitter.com/tknwTN3of9
— Netflix Queue (@netflixqueue) August 2, 2021
„Токму кога се чини дека ништо друго не би можело да тргне наопаку, на сцената влегува непријател кој е многу помоќен од сите со кои се соочиле: војската. Се ближи крајот на најголемиот грабеж во историјата, а она што започна како грабеж ќе се претвори во војна“, стои во синопсисот.